Барометр

Беларускія праекты ў Вэнэсуэле: жыльля будуем менш, трактароў іМАЗаў не прадаём зусім

Эканамічны крызіс у Вэнэсуэле, спароджаны як падзеньнем сусьветных коштаў на асноўны вэнэсуэльскі тавар — нафту, так і каманднымі мэтадамі кіраваньня, перайшоў у фазу вострага палітычнага крызісу. У мінулую пятніцу прэзыдэнт Вэнэсуэлы Нікалас Мадура ўвёў надзвычайнае становішча, якое прадугледжвае пашырэньне прэзыдэнцкіх паўнамоцтваў і ўзмацненьне ролі сілавых структураў. Але гэта толькі падштурхнула хвалю пратэстаў тых вэнэсуэльцаў, якія дамагаюцца адстаўкі Мадуры і сабралі за правядзеньне рэфэрэндуму аб імпічмэнце ўжо больш за 1,8 мільёна подпісаў. Раней у краіне ўвялі ліміты на электрычнасьць, зьявіўся дэфіцыт прадуктаў харчаваньня, пачаліся пагромы крамаў, ёсьць факты марадэрства. Як жывецца ў Вэнэсуэле беларусам, якія працуюць там на сумесных будоўлях і прадпрыемствах? Ці не спынілася рэалізацыя праектаў беларуска-вэнэсуэльскага супрацоўніцтва?