Колькі грошай сплыло на рэканструкцыю вуліц Камсамольскай і Рэвалюцыйнай. ВІДЭА

У выніку летніх залеваў у Менску вуліца Рэвалюцыйная, якую нядаўна рэканструявалі, некалькі разоў ператваралася ў раку, крамы і офісы ў суседніх будынках залівала, фундамэнты гістарычных будынкаў падтоплівала.

Падрыхтоўка да залевы на вуліцы Рэвалюцыйнай у Менску, 17 ліпеня

У сацыяльных сетках менчукі адзначалі, што пры даволі высокіх коштах рэканструкцыі (як відаць з тэндэрных закупаў) каналізацыю там зрабілі сумнеўнай якасьці, нават вадасьцёкавыя трубы з дамоў не завялі пад зямлю.