«Разам да справы!»

Цэнтр даследавання грамадскага кіравання «СІМПА» і грамадская культурніцкая кампанія «Будзьма беларусамі!» запращаюць прадстаўнікоў грамадзянскай супольнасці, рэгіянальных дзяржаўных органаў і ўстаноў, а таксама журналістаў, якія зацікаўлены ў актывізацыі міжсектарнага дыялогу, у асветна-практычную паездку ў Малдову, якая абдудзецца 21-26 мая.

Азнаямленчая паездка ладзіцца ў межах доўгатэрміновай акцыі «Разам да справы», закліканай дапамагчы ініцыятывам і арганізацыям у рэгіёнах Беларусі развіваць свае гарады і мястэчкі, рабіць іх больш утульнымі і квітнеючымі і багатымі на цікавыя падзеі.

Удзельнікі паездкі пазнаёмяцца з прынцыпамі і практыкамі інклюзіўнымі мясцовага і рэгіянальнага развіцця ў Малдове, са шляхам рэформ, сучасным станам і планамі краіны і яе асобных рэгіёнаў на будучыню.

«СІМПА» і «Будзьма беларусамі!» рыхтуюць візіты ў нацыянальныя і рэгіянальныя дзяржаўныя ўстановы, сустрэчы з грамадскімі арганізацыямі, бізнэсам, медыя і экспертамі ў пытаннях мясцовага кіравання і развіцця.

Выдаткі, звязаныя з удзелам у асветна-практычнай паездцы, арганізатары бяруць на сябе. Колькасць месцаў абмежаваная!

Калі Вас цікавіць удзел у гэтай паездцы, калі ласка, да 11:00 23 красавіка напішыце пра ваш рэлевантны досвед і чаканні ад паездкі і дашліце інфармацыю, неабходную для арганізацыі вашага ўдзелу – запоўніце анкету.

  • Оцени идею:   
  • Проголосовало "ЗА": 2
  • "ПРОТИВ" : 0