Святлана Алексіевіч збірае 20 тысяч долараў на выданне сваіх кніг па-беларуску

Святлана Алексіевіч, выдавецтва «Логвінаў» і платформа «Вулей» запусцілі краўдфандынгавую кампанію ў падтрымку выдання 5 кніг з цыклу «Галасы Утопіі». Кнігі выйдуць на беларускай мове ў адзіным афармленні і без цэнзуры.

«Мае кнігі выйшлі ў розных краінах свету і гучаць на розных мовах, а гэта каля 270 выданняў. Былі пераклады таксама на беларускую мову. Але ўпершыню над цыклам «Галасы Утопіі» працавалі яскравыя прафесіяналы, на мой погляд, лепшыя сучасныя пісьменнікі і паэты Беларусі: Валянцін Акудовіч, Уладзімір Арлоў, Сяргей Дубавец, Андрэй Хадановіч, Барыс Пятровіч. Для мяне гэта вельмі важны праект, і як пісьменніца я з удзячнасцю стаўлюся да ідэі, што абсалютна любы чалавек можа ўзяць удзел у выданні гэтых кніг», — кажа Святлана Алексіевіч, першы беларускі лаўрэат Нобелеўскай прэміі.

Агулам яна збірае на выданне кніг 40 тысяч рублёў. Гэта 20 тысяч долараў.

  • Оцени статью:
  • Проголосовало: 1
  • Балл: 5